Filmoteca humana / Giza filmoteka proiektua nahi gabeko bakardadea jasaten duten pertsonen inguruko mikro-dokumentalak sortzea du helburu. Edozein adinetako pertsonak izan daitezke, bai landa inguruneetan, bai hirietan. Haien iritziak eta egoerak kontuan hartuta, pertsona bakoitzak 5 minutuko pieza bat sortzen du, bere egunerokotasuna eta munduaren inguruko ikuspegia islatzen duena.
Ondoren, mikro-pieza hauek erabiliz, nahi gabeko bakardadea eta gizarte-bakartzea lantzen dituzten proiekzio eta elkarrizketa saioak antolatzen ditugu. Pieza hauek oinarri hartuta, ‘52 hercios / 52 hertz’ antzerki-espektakulua ere sortu da.
Nahi gabeko bakardadea arazo larri bat da gizarte industrializatuetan. Isilpeko pandemia bat da, bost pertsonatik batek jasaten duena, eta eragina du bai landa inguruetan bai hirietan, adin guztietako pertsonei, osasunari eta bizitzaren kalitateari kalte handia eginez.
Filmoteca humana / Giza filmoteka ‘Oihartzuna / El eco’ proiektuaren parte da eta helburu du nahi gabeko bakardadea murriztea, kultura sortzailea erabiliz pertsona horien egoera hobetzeko.
Sormenaren bidez, hauei ahots propioa ematen saiatzen gara, eta ahalduntze prozesuak eta pertsonalki hobetzeko aukerak sustatzen ditugu.
Gizartean zabaltzen ditugun saioekin, elkartzeko eta elkartrukatzeko espazioak sortzen ditugu, eta sormenaren garrantzia aldarrikatzen dugu bizitzako edozein faseetan ongizatearen mesedetan.
